Փողոցային ակցիաներ
Մարդկանց հետ խոսում ենք կենդանիների իրավունքների և վեգանության մասին, բաժանում ենք տեղեկատվական նյութեր, անցկացնում ենք VR-ցուցադրություններ և բուսական այլընտրանքների համտեսումներ։
Մենք պաշտպանում ենք Հայաստանի գյուղատնտեսությունում շահագործվող կենդանիների, ընտանի ու վայրի կենդանիների իրավունքները և պայքարում ենք նրանց հանդեպ դաժան վերաբերմունքը վերջ դնելու համար։
Շահերի պաշտպանության և իրազեկման միջոցով մենք ձևավորում ենք հասարակական վարքագիծ, որը հիմնված է կենդանիների, մոլորակի և մարդկանց հանդեպ հոգատարության վրա։
Tom Woollard / We Animals
Ովքեր ենք մենք
Երկրացիներ
Yerkratsiner (Երկրացիներ) — միջազգային թիմ է, պաշտպանում է կենդանիների իրավունքները, հանդես է գալիս կենդանիների շահագործման դեմ և քարոզում է էթիկական ու հոգատար վերաբերմունքը նրանց հանդեպ։ Մենք սկսել ենք որպես կենդանիների պաշտպանության նախաձեռնություն, իսկ հիմա պաշտոնապես գրանցված ենք Հայաստանում որպես հասարակական կազմակերպություն։
Մանրամասն- 3
- տարվա աշխատանք
- 20+
- միջոցառում
- 2700+
- այցելու
- 680 000+
- դրամ ապաստարաններին
Խնդիրը
Ինչն է սխալ
Ամեն տարի Հայաստանում միայն պաշտոնական վիճակագրությամբ մսի համար սպանվում է մոտ 500 000 կով և ցուլ, 250 000 խոզ, 500 000 ոչխար և 12 968 000 հավ։ Մոտ 2 654 000 հավ շահագործվում է ձու ստանալու համար, մոտ 728 000 տարբեր տեսակի կենդանի՝ կաթնամթերքի արտադրության համար։ Բացի այդ, Հայաստանը տարեկան ներկրում է ավելի քան 290 000 տոննա կենդանական ծագման արտադրանք։
Ուղղություններ
Ինչ ենք անում
Փառատոներ
Ամեն տարի անցկացնում ենք վեգան փառատոն՝ նվիրված կենդանիների, մարդկանց և բնության նկատմամբ կարեկցանքին ու արդարությանը։ Հյուրերին սպասում են ֆուդքորթեր և համտեսումներ սիրելի վեգան նախագծերից, շուկա, դասախոսություններ, ՀԿ-ների տաղավարներ և վարպետության դասեր։
Ընկերական միջոցառումներ
Հաճախ միանում ենք այլ միջոցառումների՝ համերգների, փառատոների, որպեսզի հնարավորինս շատ մարդ մտածի կենդանիների վիճակի մասին։
Աջակցություն ապաստարաններին
Կազմակերպում ենք բարեգործական համերգներ և կինոդիտումներ՝ ի աջակցություն տեղական ապաստարանների, մասնակցում ենք աջակցության այցերի։
Կենդանիների մասին օրենքը
Մասնակցում ենք հասարակական արշավի՝ ՀՀ «Կենդանիների նկատմամբ պատասխանատու վերաբերմունքի մասին» օրենքի հիմնական մեխանիզմներում, նորմերում և չափանիշներում առկա անորոշությունները վերացնելու համար՝ առաջ մղելով իրական հասարակական վերահսկողությունը, էվթանազիայի ուղղակի արգելքը և կենդանիների բոլոր տեսակների ընդգրկումն օրենսդրական դաշտում։
Կրթություն
Մենք տեղական մակարդակում կազմակերպում ենք կենդանիների իրավունքներին նվիրված կրթական միջոցառումներ, ինչպես նաև մասնակցում ենք միջազգային համաժողովների, հանրային քննարկումների և գիտելիքի փոխանակման նախաձեռնությունների։ Մենք նաև մշակում ենք կրթական ծրագրեր համալսարանների ուսանողների և դպրոցականների համար, ներառյալ բիոէթիկայի դասեր։
Ահազանգ
Դաժանությու՞ն եք տեսել
Եթե ականատես եք եղել կենդանու նկատմամբ դաժան վերաբերմունքի, խնդրում ենք տեղեկացնել մեզ։ Այս պահին մշակում ենք նման դեպքերին արդյունավետ արձագանքելու մեխանիզմներ և բարձրաձայնում ենք դրանց մասին։
Հաղորդել04 սեպտեմբերի, 2026 թ.
վեգան փառատոն
երրորդ վեգան փառատոն կենդանիների, մարդկանց և բնության նկատմամբ կարեկցանքի և արդարության մասին
Շնորհակալություն ենք հայտնում We Animals-ին՝ տրամադրված լուսանկարների համար։