Փողոցային ակցիաներ
Մարդկանց հետ խոսում ենք կենդանիների իրավունքների և վեգանության մասին, բաժանում ենք տեղեկատվական նյութեր, անցկացնում ենք VR-դիտումներ և բուսական այլընտրանքների համտեսներ։
Մենք պաշտպանում ենք Հայաստանի գյուղատնտեսության մեջ շահագործվող կենդանիների, ընկերակից կենդանիների և վայրի կենդանիների իրավունքները և հասնում ենք նրանց նկատմամբ դաժան վերաբերմունքի դադարեցմանը։
Ջատագովության և իրազեկման միջոցով ձևավորում ենք հանրային պրակտիկաներ, որոնք հիմնված են կենդանիների, մոլորակի և մարդկանց նկատմամբ հոգատարության վրա։
Tom Woollard / We Animals
Ովքեր ենք մենք
Երկրացիներ
Yerkratsiner (Երկրացիներ) — միջազգային թիմ, որն առաջ է տանում կենդանիների իրավունքների պաշտպանությունը, նրանց շահագործումից հրաժարվելը, ինչպես նաև նրանց նկատմամբ էթիկական ու հոգատար վերաբերմունքը։ Մենք սկսել ենք որպես կենդանիների պաշտպանության քաղաքացիական նախաձեռնություն, իսկ այժմ պաշտոնապես գրանցված ենք Հայաստանում որպես հասարակական կազմակերպություն։
Մանրամասն- 3
- տարվա աշխատանք
- 20+
- միջոցառում
- 2000+
- այցելու
- 500 000+
- դրամ ապաստարաններին
Խնդիրը
Ի՞նչն է սխալ
Ամեն տարի Հայաստանում միայն պաշտոնական վիճակագրությամբ մոտ 500 000 կով և ցուլ, 250 000 խոզ, 500 000 ոչխար և 12 968 000 հավ սպանվում են մսի համար. մոտ 2 654 000 հավ շահագործվում է ձու ստանալու համար. մոտ 728 000 տարբեր տեսակի կենդանի շահագործվում է կաթնամթերքի արտադրության համար։ Բացի այդ, Հայաստանը տարեկան ներմուծում է կենդանիների շահագործման ավելի քան 290 000 տոննա արգասիք։
Ուղղություններ
Ի՞նչ ենք անում
Փառատոներ
Ամեն տարի անցկացնում ենք վեգան փառատոն՝ նվիրված կենդանիների, մարդկանց և բնության նկատմամբ կարեկցանքին ու արդար վերաբերմունքին։ Հյուրերին սպասում են ֆուդքորթեր և համտեսներ սիրելի վեգան նախագծերից, մարկետ, դասախոսություններ, ՀԿ-ների տաղավարներ և վարպետության դասեր։
Բարեկամական միջոցառումներ
Հաճախ միանում ենք այլ միջոցառումների՝ համերգների, փառատոների, որպեսզի հնարավորինս շատ մարդ մտածի կենդանիների վիճակի մասին։
Ապաստարանների աջակցություն
Կազմակերպում ենք բարեգործական համերգներ և կինոդիտումներ՝ ի աջակցություն տեղական ապաստարանների, մասնակցում ենք աջակցող այցերի։
Կենդանիների մասին օրենքը
Մասնակցում ենք հանրային արշավին՝ «Կենդանիների նկատմամբ պատասխանատու վերաբերմունքի մասին» ՀՀ օրենքի հիմնական մեխանիզմներում, նորմերում և չափանիշներում առկա անորոշությունները վերացնելու համար՝ առաջ մղելով իրական հանրային վերահսկողությունը, էվթանազիայի ուղղակի արգելքը և բոլոր տեսակի կենդանիների ընդգրկումը օրենսդրական շրջանակում։
Դասախոսություններ
Անցկացնում ենք իրազեկման միջոցառումներ կենդանիների իրավունքների պաշտպանության թեմայով։ Ծրագրում ենք նաև հանդիպումներ ուսանողների հետ և կենսաէթիկայի դասերի մշակում դպրոցականների համար։
Ահազանգի կոճակ
Դաժանությա՞ն եք ականատես եղել
Եթե ականատես եք եղել կենդանու նկատմամբ դաժան վերաբերմունքի, խնդրում ենք տեղեկացնել մեզ։ Այս պահին մշակում ենք նման դեպքերին արդյունավետ արձագանքելու մեխանիզմներ և բարձրաձայնում ենք դրանց մասին։
ՀաղորդելՇնորհակալություն ենք հայտնում We Animals-ին՝ տրամադրված լուսանկարների համար։