Մեր մասին

Բոլոր կենդանիների՝ ազատության իրավունքի ճանաչում

Համոզված ենք, որ բոլոր կենդանիներն ունեն կյանքի և ազատության իրավունք՝ անկախ իրենց տեսակից և մարդուն բերած օգուտից։ Մեր գործունեությունը հիմնված է կենսատեսակային խտրականության մերժման սկզբունքների վրա և ուղղված է կենդանիների շահագործման պրակտիկաներից հրաժարվելուն։

Կենդանիներն են մեր գլխավոր առաջնահերթությունը

Մեր բոլոր որոշումներում և նախաձեռնություններում կենդանիների շահերը դնում ենք առաջին տեղում։ Ձգտում ենք համակարգային փոփոխությունների, որոնք տանում են բոլոր կենդանիների շահագործման դադարեցմանը։

Քաղաքական անկախություն ԵՎ երկխոսության պատրաստակամություն

Մենք քաղաքականապես անկախ կազմակերպություն ենք և ձգտում ենք կառուցողական երկխոսության բոլոր շահագրգիռ կողմերի հետ՝ պահպանելով մեր նվիրվածությունը կենդանիների շահերի պաշտպանությանը։

Թափանցիկություն

Բաց հաշվետվություն ենք ներկայացնում մեր աշխատանքի, որոշումների և ռեսուրսների օգտագործման մասին։ Միաժամանակ աշխատում ենք լուսաբանել և խնդրայնացնել կենդանիների հետ վարվելու այն պրակտիկաները, որոնք մնում են անտեսանելի՝ ապահովելով հանրային հասանելիություն այդ տեղեկատվությանը։

Միջառարկայական՝ ապացուցահեն մոտեցում

Մեր գործունեությունը հենվում է գիտական փաստերի և հետազոտությունների վրա։ Իրականացնում ենք մոնիթորինգ և տեղեկատվության հավաքագրում կենդանիների վիճակի վերաբերյալ՝ ներգրավելով անասնաբուժության, էթոլոգիայի, էկոլոգիայի և իրավունքի ոլորտների փորձագետների։